Skyndihjálp 

Að hindra lost

Losthætta er alltaf til staðar í slysum sérstaklega ef um stóra áverka er að ræða eins og miklar blæðingar, lemstranir, brjóstholsáverka, kviðarholsáverka, innvortis blæðingar og stór brunasár.

Til að draga úr losthættu:

1. Leggið slasaðan með höfuð lægra en fætur til að auka blóðstreymi til hjartans.
2. Farið varlega með sjúkling og veitið fyrstu hjálp.  Óvarkárni í meðferð eykur losthættu.
3. Gefið ekki að drekka en væta má varir ef sjúklingur kvartar undan þorsta.
4. Talið rólega við hinn slasaða og segið honum að hjálp sé á leiðinni.
5. Verjið gegn kulda.
6. Fylgist vel með púls og öndun