Sunnudaginn 21. mars var haldinn sigæfing í Pétursborg og tókst hún í flesta staði vel ef undan er skilin mæting, en alls voru 4 á æfingunni þ.e. Eiríkur Þór, Þorkatla hans Eiríks, Pétur Guðmundss og Jóhannes B. Byrjað var á að fara yfir sigbúnað, hnúta og línur. Síðan voru settar upp línur í tækjageymslunni og m.a. prófað að júmma og síga. Pétur kynnti fyrir okkur notkun á I'd og setti upp dobblun til hífingar. Þvínæst var farið út í rokið og sigið í klettum við brúna út í Brákarey. Skoðaðar voru ýmsar bergtryggingar, en endað á að tryggja í Brák 3 þar sem lítið hald var í eyjunni...  Í lokin var rætt um að halda fljótlega framhaldsæfingu þar sem prófaðar verði hífingar með doblun, slökun með I'd og ýmistlegt spennandi. Eru Brákarfélagar hvattir til að mæta.

Svo eru hér nokkrar myndir af æfingunni.